Cimat,DA'UK e Wakaborun: lutas,desafios e estratégias socioambientais de mobilização, de resistência e fortalecimento da identidade das organizações do povo Munduruku do alto Tapajós/PA

Abstract

Xipan omubarak ap warerop wuyjugu Munduuruku do alto Tapajós pe jewaguycuap i ibuxiap bekitkit yu, aôyu i soat wuyjugu yu. Tobat ap ibuap jewaguy aypapyu ûm ûm aguydan ap itaben xipan jewekuk ap awaydip pe, wuybajan at Biboy buxin soat ep ma wuykuk at yu be. Munduruku yu kake, soat ep ma ip kake awaydip pe i kake soat ma tobatbag kake ap. Imubapok etaybinap iju cucum Munduruku yu be kake pen paxi ip cucum iboce, op poxin imubapok ap,kake jekapip ap, itaben ap i ika ip. Ibu buxin, ibup xipan i wuyjo kake away ip yu dak i imujeap wuyjo kake puye ebapug kake jewaguy cup wuyju Munduruku alto Tapajós Pará be; Awerop acat Conselho Indígena Munduruku do alto Tapajós (CIMAT), a Associação DA’UK i a Associação de Mulheres Munduruku WAKOBORUN iburun wuyjo jekay xipat ûm ipi be iat puxig ikokkok ap jeypibe yobok ap puxin. Ijoap awero ap wuyjo Munduruku yu alto Tapajós be ibocewi ip imuwen ap ocebabuk, imem o’e cucum jetaybit at tak awerup o’i’taybit ip aweru ap tok ibupuk puk ip jebabi, gasu buk ip jewemutay bitbit wara at jat iju jewaguyjo ap i ibuap i’e bun ap i ibuyxiap jeipi kuk ap, tobuxin etaybiat pe ogubararak iat yu, iboru ogubararak:Bicalho (2010), Secchi (2007), CIMI (2014), Ossami (1993) e Heck (2014) ijop yu. Imubabug Munduruku ijop yu oguawero iat yu, imem pit imuwen at togwi wuyaguyba ûm paore. Imem puye, ijoap ijop yu oguawero Mundurku alto Tapajós pe at’jat, Ricoeur (1989; 1995) ip osubuywat imubapuk ap. Ijop togwi ojukuda bibliográfica e documental be wi etay bit epabug oguawero wuyjo Munduruku yu be, ogu xipan ip jewemuaweroro ap tak i jewguyjojo ap tai p ogudip, i warat tat ogubararp iap tag tak ga’ô buyxiat agu dag i imem pit Kaoma ga’ô buyxiat tak wibit i jekabik ap ipibe wuyjo Munduruku alto Tapajós Pará be. Ajebuyxi yu ijo ibu ap oguge, imem puye 2016 a 2019 ixe yu eyju oguy jexe ip, imugen kapik ap soat tak wi imuawerop wuyjo Munduruku yu eju. Imem itabun tag, soat ep ma kake tobanbam pima bit,imem awap ma oje wetay bit, imem poxig imuwen ap, pug ep jewa’ijojo ap i imuwen ap Munduruku yu be kawap ep etaybit, Ibu, imubapuk ap ajojo iap ipibe dag i koguybi dag pug imuawero jat, xipan tobat ap, ijop gu top wi, ibuyxiap, xipat ûm at soat ixe yu okak, ijoptog wi oceguge etaybiap etabeg ap, tobat ap i kake agu.